Vum Pfälzer segt sich wohl gar leicht,
er wer en Krischer - korz - er kreischt.
was ich so net ganz glaawe will
denn meischtens simmer ruhig unn schtill,
doch manchmol simmer halt ach laut,
so dass es oft den annre graut.

Warum - na des is so zu sehne,
es is bedingt durch unsre Gene,
dann guggen mol durch die Johrhunnert
do is mer sicher net verwunnert,
vun Hunne - Römer - bis Franzose,
gabs immer Ärger - oft recht große,
do ging's de Palz oft arg beschisse,
unn mer hot sich behaupte müsse.

Ganz klar - des is net leise gange,
drum is des in der Zeit der lange,
so fescht in unsre Gene drin,
das mer halt als mol lauter sinn.